Duke folur për bashkëpunimin me Partinë e Lirisë dhe Ilir Metën, ish kryeministri Sali Berisha tha se koalicioni “do jetë i shumëllojtë, por në këtë betejë jemi një front për shpëtimin e Shqipërisë”.
“Shqipëria në rrezik është motoja reale të cilën po e ndjen sot çdo shqiptar e atdhetar që ka një dashuri për vendin, afera e djegësave shkon deri në 700 e ca milionë”.
Berisha ka denoncuar dhe bllokimin që është bërë për aksesin e Thesarit online të Shtetit.
“Nga 2 qershori Edi Rama ka vendosur black out se nuk do që ju të gjeni paratë që merr Rama për Gugaljan dhe Veliaj për Zoton e Mërtirin, s’do të kontrollohen më transfertat në organizatën e tyre kriminale dhe jo vetëm në atë por në shumë drejtime të tjera ndaj dhe ai ka vendosur në një akt të paprecedentë, black out e plotë në Thesarin online të Shtetit”, tha Berisha.